Activate!
Activate!
Activate!
Activate!

Umzi Watsha

test test 2015-02-13
0 Comments

Bendizixelele ukuba andizukuyibukela Ingxelo Ngemeko Yelizwe (State of the Nation Address) ngokuba ndidiniwe kukuva into enye minyaka le. Ndithe xa ndicinga ngezisongelo ze EFF sokuyingxobha lendibano, ndagqiba ukuba andinantshisekelo yokubona loomasikizi. Kuthe kanti andibuzanga egqirheni! Umnxeba wam wesandla ukhale ukhalile ndibuzwa ukuba ndiyijongile na le meko inxubayo, nanku uMongameli welizwe ecelwa ukuba ahlale phantsi – uMongameli weEFF uMnu Malema kukhona afuna kuqwalaselwe ngokukhawuleza. Ndim lo, ndigxanya ndisiya kwamakhelwane ndifuna ukubona kaloku ukuba iyakuzala nkomo ni.

Ndifike kwamakhelwane kuxokozela ingathi kuxhelwa ihagu, ndacela ukwakhela umkhanyo nga le nto yenzeka ePalamente. Umbutho we EFF ucele ukwazi kuMongameli JG Zuma ukuba imali Umkhuseli Woluntu owathi wayisebenzisa ngokungemthetho uzakuyibhatala nini, ezakuyibhatala ngayiphina indlela. Isithethi sasePalamente sithe uMongameli akazanga kuzophendula mibuzo koko uzokothula ingxelo. Abafanga namthanyana abeminqwazi ebomvu besithi uMongameli makabhentsise ukuba uzimisele na ukuyibhatala lemali.
Tyhini bafazi! Yay’ivungama indlu; kwangubhentsu-bhentsu, naku kubizwa abokukhuselo ukuba bakhutshwe kulendlu inengxoxo. Kuyakrutha-kruthwana, kuyakhwazwana. Kuthi qatha engqondweni ukuba yeyona meko yelizwe ke ngokunyanisekileyo. Sesithethela phezulu nje siveza izimvo zethu, zona iintanda kudala zabakho kulendlu. Sekubuhlungwana ngokuba ezintanda zibonakala pha phezulu kungentsuku zatywala uphahla luzokuwa, idilike le ndlu kuthiwa nguMzantsi Africa.

Kulombhodamo oomama abaphethe indlu babhula besambeza nabo bezama ukubuyisela ucwangco. Kuthi tha ukuba le mali yasetyenziswayo, gabula Mkhuseli Woluntu, yayizizigidi ezimakhulu amabini anamashumi amahlanu. Ngokwezibalo zika Statistics South Africa elilizwe linabantu abazizigidi ezingamashumi amahlanu. OkaZuma ngewanika wonke ummi welizwe isigidi esinye, aphinde aqhubeke akhe ipomakazi lezigidi ezingamakhulu amabini. Cinga nje ukuba ungasenzani isigidi esinye?
Elizweni apho izigidigidi ezingamakhulu asixhenxe ziphelela kubuqhophololo, libe liphethwe ngabantu abazingomba isifuba ngokuthi bayilwela lenkululeko. Ndiyazibuza ukuba babelwela ukutya imali ngoluhlobo na. Ngoomama notata abanjani abangazikhathaziyo ngendlala egqubayo, ababukelayo ulutsha lumka nomoya. Le mikhuba ihlathuzelisa amanwele egilwa ziingwevu ilungiselela njani elilizwe ukuze ubeyimpumelelo Umboni ka 2030 yophuhliso lwelilizwe (Vision 2030)?
Andiyibukelanga ingxelo. Ndohlulekile kukumamela umntu omdala exoka. Abahle nabalwela ngokwenene sebalala ngoxolo.

Categories: Uncategorised

Related Articles

Responses

© Copyright – Activate! | Co-financed by the Federal Republic of Germany through KfW and the DG Murray Trust 

All copyrights reserved for. The data presented here is from a sample of the Activate Change Drivers Network surveyed in 2017. Though efforts were made to make the sample representative of the Network, normal limits of sampled data should be considered in the use of this data. The information contained in this website is for general information purposes only. The information is provided by Siyashesha Leadership Incubator, the managing entity of the A! Change Drivers programmes and A! Change Drivers Network. While we endeavour to keep the information up to date and correct, we make no representations or warranties of any kind, express or implied, about the completeness, accuracy, reliability, suitability or availability with respect to the website or the information, products, services, or related graphics contained on the website for any purpose. Any reliance you place on such information is therefore strictly at your own risk. In no event will we be liable for any loss or damage including without limitation, indirect or consequential loss or damage, or any loss or damage whatsoever arising from loss of data or any benefit arising out of, or in connection with, the use of this website.